Mbico

Mbico kuuma maitho-inĩ ma Nyau

Mbico ('matongo' na Gĩthweri ) nĩ kamira gaceke kanyurũrũkaga kuma maitho, kanua, kana iniũrũ, kaingĩ hĩndĩ ya toro (ngũrani na mahira ma ihũha). Mbico yũmaga igacokanĩrĩra ta mabebeto mwena-inĩ wa maitho kana kanua, igũrũ rĩa maitho, kana rungu rwa kĩmone.

Kaingĩ mbico cionekanaga maitho-inĩ kĩroko. Rĩrĩa Mũndũ e mũkĩru, kũbucia kĩmone gĩcũngagĩrĩria mbico gũthererio nĩ maithori kũgerera mũkiha wa kĩrothi. Wagi wa matwĩka maya hĩndĩ ya toro nĩ gũtũmaga ithondeko rĩa gĩthima kĩnini kĩa mbico mĩthia-inĩ ya maitho.