Murimu wa parkinson

From Wikipedia
Jump to navigation Jump to search

Murimu wa Parkinson ni muthemba wa murimu ukoragwo ugituma mundu ainaine. Unyitaga muno andu mena miaka mirongo itandatu na guthii na mbere onokorwo ni kuri andu me miaka minini mari manyitwo ni murimu uyu. Parkinson ukoragwo ukirehwo ni unyihu wa chemical itagwo dopamini thiini wa tombo. Riria dopamini yanyiha tombo-ini nitumaga waambie kuinaina na kuremwo gwika maundu na moko, kunyitagwo ni stresi oro hamwe na kuaga balance mwiri-ini.

Mundu wina murimu wa parkinsons

Indo cia kuhuthira wina murimu wa Parkinson's[edit | edit source]

Mundu anyitwo ni murimu wa Parkinson's, ndariri iria yoikaine muno ni kuinaina oro hamwe na anxiety na gukorwo ari depressed. Ni kuri andu angi makoragwo na thina wa kuaga toro (insomnia).

Riria mundu ekuinaina niaremagwo ni kuria kana kunyua niundu wa kuinaina na niagiriirwo ahuthire indo ta iciko (smart spoons) iria iteithagia kwaga kuinaina muno.Iciko ici nihamwe na gyenno spoon na liftware spoon. Oro hamwe na uguo nikuri ikombe cia guteithiriria mundu kuhota kunyua kindu ategugiita giothe.

Niundu wa kurigirira anxiety ni kuri mirengeti ikoragwo iri miritu uu ati mundu akiuhuthira aiguaga kai ena mundu uramuhimbiria. No kuri ningi weighed vests iria iteithagia mundu aigue wega na atige gukorwo ari na wasiwasi muno.

Ndawa ya murimu wa parkinson[edit | edit source]

Nginyagia riu, gutiri kuoneka ndawa ya guthondeka murimu uyu no ni kuri ndawa cia kunyigia ndariri. Ndawa ici ni ta levodopa na sinemet iria ciongagirira dopamini mwiri-ini. Oro hamwe na uguo ni kuri cbd oil iria yumanaga na bangi itari na THC iteithagia mundu ahorere na ndariri citige kuiyonania muno.

Ndariri cia murimu wa Parkinson[edit | edit source]

Riria dopamini yanyiha mwiri-ini, ndariri ta ici nicionekaga:

  • Kuinaina moko
  • Stresi
  • Kunogerera
  • Guikara na wasi wasi