Portal:Contents/Portals

From Wikipedia
Jump to: navigation, search

Mũgĩkũyũ nĩ arĩaga mĩthemba mĩingi ya irio cia ũndũire. Irio ici ciakoragwo ciharĩrĩirio na njĩra mwanya mwanya ta gũtherũkio, gũcinwo na indo ingĩ ciarĩagwo irĩ njĩthi. Mũgĩkũyũ nĩ arugaga indo cia mĩthemba mĩingĩ ta nyama, iriia, mĩthemba mĩingi ya nyeni, ndũma, ngwacĩ, waru ona marigũ. Irio ici nĩ ciarĩ njega mũno na kũhe mũndũ hinya. Irio ciothe irĩa ciaharagĩrĩrio na mwaki ciarugagwo na indo mwanya mwanya cia kĩrugĩrwo.

Nyũngũ ya rĩũmba nĩyo yũĩkaine mũno. Yathondekagwo na rĩũmba nĩ mũmbi akĩhũthĩra ũgi wake ũrĩa maita maingĩ wakoragwo umanĩte na gũkorwo athondekete nyũngũ nyingĩ. Nyũngũ ciombagwo ci cia mĩiganĩra ngũrani. Kwarĩ na nyũngũ nyinyi, cia mĩiganĩra ya gatagatĩ-ini na nyũngũ nene. Nyũngũ ya gĩkũyũ yuĩkaine na gũtũmĩka kũhagira gĩtheri. Gĩtheri nĩ irio cia ũgĩkũyũ iria ikoragwo irĩ mũtukanio wa mboco na mbembe itherukĩtio hamwe. Andũ aingĩ arĩa manarĩa gĩtheri kĩa nyũngũ nĩ moĩ atĩ kĩrĩ mũcamo mwega mũno. Aciari aitũ arĩ maikangĩtie tũmatukũ nĩ monaga ũtiganu wa gĩtheri kĩa nyũngũ ya ibati naya rĩũmba. Matukũ marĩa tũrĩ mabati nĩmo marahũthĩka mũno gũthondeka nyũngũ. Ũgĩ wa gũthondeka cia rĩũmba wahota gũthie ũgĩthiraga kuona atĩ andũ aingĩ maragĩa na hũthĩra ya kũgũra gĩtheri. Nyũngũ o hamwe na thaburia ciahũthĩragwo gũtherũkia, gũkaranga ona kana kũhiuhia irio kana indo cia kũnyua.

Rũtara naruo rwahũthĩkaga kũhĩhia kana gũcina nyama kana indo irio ingĩ ingĩcinwo ta ngwacĩ, ndũma, mĩanga, waru na ikwa. Rwaigagĩrĩrwo mwaki-inĩ kana makaraigũrũ kĩndũ kĩrĩa kĩracinwo gĩkaigĩrĩrwo igũrũ. Rũtara rũĩkaine nĩgũkorwo rũkĩhũthĩka gũcina nyama. Nĩ cietagwo ndara na rĩtwa rĩngĩ. Mĩciĩ mĩingĩ nĩyakoragwo na ndara ciao iria mahũthĩraga rĩrĩa marĩ na mambura kana rĩrĩa mekũharĩria irio ciao cia mahuthĩro ma mũciĩ.

Mĩrĩre ya thikũ ici ĩtiganĩte naya tene ta thĩ na igũrũ. Mahinda marĩa tũrĩ andũ matirahota kũgĩa na mahinda ma gũthondeka irio cia ũndũire. Ũũ nĩgũkorwo atĩ mũtũrĩre wathikũ ici niũcenjetie na andũ magekora mena maũndũ maingĩ ma kũhingia ta gũcaria ũboco wa o mũthenya. Nĩkĩo indo nyingĩ irĩa irarugwo thikũ ici cirathondekwo i cia kũhĩa na ihenya. Ningĩ ũtaaramu wa kĩrĩu ũrahũthĩka gũthondeka macini cia kũruga. Indo ici cihũthagĩra thitima na ciendaga kũhũthĩrwo nĩ mũndũ wĩna ũtabarĩri na ũmenyereri wa igũrũ kuona ati thitima noirehe mũtino mũũru. Ũũ ũngĩhoteka indo ici cia kũruga nacio ingĩgĩa na gathĩna.

Waffle maker nĩ mũhano mũega wa indo irĩa iratũmĩka kũruga thikũ ici. Waffle ni ta mũkorogo no ni mũhũthũ na ĩhũthagira ihinda inyinyi kũruga. Waffle maker ĩcokaga ĩgatinangia waffle icio ũndũ cingĩitĩrĩrio jamu kana thiagi. Waffle makers ihũthagĩra thitima. Waffle nĩ irio ihũthĩkaga kĩroko na ciendetwo tondũ ũtarĩ na waffle maker no ũthire mũkawa-inĩ ũkarĩe waffles. Waffle makers nocio cinanagio igetwo waffle irons.

Deep fryer ĩhũthĩkaga kũruga irio na njĩra ya gũcirinda maguta-inĩ matherũkĩte kana macemũkĩte. Ũtaaramu ũyũ ũhũthĩkĩte kwa ihinda iraihu. Maita maingĩ ihũthĩkaga mĩkawa-inĩ tondu ithondekagwo irĩ cia kũruga irio nyingĩ. No mahinda o ũrĩ a marahetũka ene makambuni marĩa mathondekaga indo ici nĩmarathie makionaga kamweke kana kanya ga guthondeka deep fryers nini irĩa ingĩhũthika mĩciĩ-inĩ. Irio deep fried nĩ ikoretwo ikĩorotwo nĩ ataaramu a ũgima wa mwĩrĩ magĩthomithia mũingĩ ũnyihie kana ũtigane na irio citherũkĩtio na maguta.

Air fryer ihũthĩraga ũtaaramu wa kĩrĩu kũhetũkĩria rĩera rĩhiũ irio-inĩ. Rĩera rĩrĩ rĩkoragwo rĩhiũhĩte mũno. Njĩra ĩno ndĩrĩ na mĩaka mĩaka mĩingĩ ta deep fryers no nĩĩrendwo nĩ andu na kũhĩmbĩrio tondu ndĩrahũthĩra maguta marĩa mararehe mĩrimũ mĩingĩ. Air fryer no ĩruge nyama cia mĩthemba mĩingĩ mũno. Ningĩ no ĩruge waru iria inanagio chips kana French fries. Tondu irio irugĩtwo na macini ĩno itirĩ na maguta andu no marĩ matekũmaka nĩ mekũgĩa na maguta maingĩ mĩrĩ-inĩ.

Food processor nĩ macini ĩthondeketwo ĩ ya guteithĩrĩria mawĩra ma riko-inĩ ta gũthitha, gũkima, gũkira, kũhiha, gũtinangia na gũkiya. Macini ĩno nĩ ya kũruta mawĩra ma riko-inĩ marĩa marutagwo na kahiũ na marĩa mahũthagĩra ihinda iraya angĩkorwo no mekwo na moko. Food processor ĩhotithagia mũrugi kwĩhika kuona atĩ ena macini ĩno no ahote kũharĩria irio na ihinda inyinyi. Food processor nĩ ihotithĩtie mikawa ona andũ arĩa matarĩ na mathaa maiganu ta arĩa marutaga mawĩra ma obici kwĩrugĩra irio na ihenya.

Ũgĩ ũyũ na mangĩ maingĩ nimathiĩte na mbere gũcenjia ũrĩa andũ maraharĩrĩria irio na indo irĩa irahũthĩka. Ona mĩthemba ya irio cia hĩndĩ ya tene igagĩtuĩka cia gũtiganĩrio na indo cia kũiruga ikaga. Ũndũire ũyũ nĩ ũragerio gũcokio kuona atĩ warĩ na mawega maingĩ mangĩguna rũrĩrĩ.