MB

13.1.1 mbaa

heho ĩrĩa ĩitĩkaga ta kĩbii

13.1.2 mbaũ

Gĩthweri mbao mũtĩ tũrĩtwo nĩgũowa wakwo nagũo

13.1.3 mbaara

mbũkĩrĩra: njũkanĩrĩro: ngũĩ: njũgitano: ikũndi igĩrĩ kana makĩria kũrũa

13.1.4 mbage

mabage

13.1.5 mbagi

nyama ya mbũri kũma gĩthũri-inĩ kinya kũgũrũ-inĩ

13.1.6 mbakĩ

mũtutu ũthĩĩtwo mahũti ma mũbakĩ

13.1.7 mbara

njuĩrĩ irĩa ikũraga magũrũ-inĩ na moko-inĩ ma andũ

13.1.8 mbara

kĩndũ gĩthondeketwo gĩ gĩa gĩthiũrũrĩ kaingĩ gĩa gũtwarithio nĩ ciana

13.1.9 mbarĩ

andũ a mũhĩrĩga wa ithe wa mũndũ

13.1.10 mbarĩ

mĩthia ya kĩndũ mũhano: rũhiũ rwake rwa njora rũranoretwo mbarĩ cierĩ nĩ kĩo aracangacangaga mbarĩ ĩmwe kinya mbarĩ ĩrĩa ĩngĩ ya mũtitũ atari na gũoya

13.1.11 mbariki

maciaro ma mwarĩki

13.1.12 mbarũ

mahĩndĩ maria makoragwo manyitanĩte na ihĩndĩ rĩa gĩthũri na magakorwo manyitaine na mũnyiginyigi magoka mwena-inĩ wa gĩtathira

13.1.13 mbathi

Kĩngeretha bus

13.1.14 mbathia

Gĩthweri pazia

13.1.15 mbatũni

gĩkũndi kĩa andũ mekaga maũndũ hamwe kaingĩ maũndũ mooru

13.1.16 mbawa

kĩondo kĩnene biũ

13.2.1 mbeca

Gĩthweri pesa: mbia

13.2.2 mbegũ

kĩrĩa gĩthikagwo tĩĩri-inĩ nĩgũo kĩmere; hinya wa ũndũrũme ũrĩa ũnyitanaga na itumbĩ rĩa nga rĩgatũĩka mwana; kĩndũ gĩkoragwo matũnda-inĩ kana kĩrũtagwo nĩ mĩmera na kĩagwa tiĩri-inĩ gĩkamera

13.2.3 mbembe

maciaro ma mũbebe: thanda ithandũrĩtwo mbembe-inĩ

13.2.4 mbere

kũrĩa kĩndũ kana mũndũ arorete; mwena ũrĩa ũthiũ ũrĩ; gĩcigo kĩa mũgũnda kĩrĩa kĩrarĩmwo; kĩrĩa,ũrĩa kana ĩrĩa ĩtongoretie

13.2.5 mbere wa mbere

mũthĩ wa kiũmia

13.2.6 mbete

Gĩthweri pete

13.2.7 mbeũ

kĩrĩa kĩhandagwo nĩgeetha gĩkũre kĩrũte maciaro; maciaro ma kĩndũ kina marĩa o namo mangĩciarana ringĩ

13.3.1 mbia

indo irĩa ihũthagĩrwo kũgũra indo: mbeca

13.3.2 mbĩa

nyamũ ĩtarĩ nene mũno ĩ mũting'oe mũraya ĩ ngumo ya kũria nguo na indo cia bata nyũmba

13.3.3 mbĩcĩ

ngũ ihana thari njeke itarĩ ndungu

13.3.4 mbica

Gĩthweri picha: kĩrũrũ

13.3.5 mbigi

maithikiri

13.3.6 mbimbi

kĩoro kĩnene kĩa nyamũ irĩa irũtaga kĩhaana tũthiũrũrĩ ta mbũri

13.3.7 mbini

kĩndũ kĩhũthagĩrwo kũnyitĩrĩra ngũo kana kũnyitĩrira kĩndũ ngũo-inĩ

13.3.8 mbinyũ

njohi ndũrũ ya ũrĩu

13.3.9 mbira

mbirũri

13.3.10 mbiri

rũkũngũ rũmbũrĩtwo

13.3.11 mbirigũri

kĩndũ gĩa gĩthiũrũrĩ kĩũmu: kĩũma kĩa ritho nĩ mbirigũri

13.3.12 mbĩrĩra

handũ hathikĩtwo mũndũ kana nyamũ

13.3.13 mbiririka

inegene ta rĩa ngarari

13.3.14 mbirithi

ihenya: na ihenya: na mĩtũkĩ

13.3.15 mbiro

wũirũ ũrĩa wĩnyitagĩrĩra nyũngũ-inĩ kana indo cia kũrũgĩrwo irĩa cigagĩrĩrwo mwaki- inĩ

13.3.16 mbirũ

matũnda ma mũtĩ wa mũbirũ

13.3.17 mbirũirũ

rũnyaga ta rwa igũrũ kana rũrĩa mũndũ onaga mairĩria na manyaga mangĩ maria makonainie na rũo

13.3.18 mbirũri

mũtĩ mũicũhie ũkahana mũcobe ũhũragwo na gĩcũni nĩ ciana ũgathiũrũrũka

13.3.19 mbitika

gĩcindano kĩragũcĩrĩria eroreri; inegene rĩ na ngarari iragũcĩrĩria andũ kũĩrorera

13.3.20 mbito

mĩtĩ ĩtarĩ mĩtungu mũno ya gwaka

13.4.1 mboco

mũmera, na maciaro magũo wa mũhĩrĩga ũmwe na noe

13.4.2 mbogo

nyamũ ya gĩthaka ĩhana ng'ombe mũmbĩre-inĩ wayo no ĩ mwĩrĩ mũirũ na hĩa ciayo nĩ nene na ikoragwo ihũmbĩrĩte mũtwe wayo rũgongo rwa thithi rũothe

13.4.3 mbogoro

mũtĩ wĩhacĩte mũthia-inĩ ũkahana ta wĩkũnjĩte ũndũ ũngĩhocio kĩndũ: mboorio; mũrimũ wa magũrũ gũkorwo mehacĩte mĩthirimo-inĩ makoima na nja kana marũ magacokanĩrĩra

13.4.4 mbogo kanyarare

kombũki kahana ngi no nĩ kanene kũrĩ ngi kanyũaga andũ na nyamũ thakame

13.4.5 mbomboo

Gĩthweri pomboo nyamũ ya iria-inĩ ĩ rũa rwega

13.4.6 mboorio

mũtĩ wĩ hwang'a wa kũgũcia kĩndũ kĩ haraya mbũ mũkayo wa kũmenyithia andũ kwĩ na ũgwati kana gwĩta andũ moke mateithũre

13.5.1 mbũgi

kĩgera kĩhocagio ngingo-inĩ ya nyamũ nĩgũoĩmenyekage harĩaĩrĩ; ngũrũkũri

13.5.2 mbũgĩrĩrio

inegene inene

13.5.3 mbũgũ

tũhiga tũnyorokũ: mbegũ nyũmũ; indo irĩa ikoragwo mwano-inĩ wa mũragũri aragũraga nacio

13.5.4 mbũgũgũ

ũgũrũki

13.5.5 mbũgũigũ

ũgũrũki

13.5.6 mbũgũĩro

ũhoti ũrĩa ũtũmaga mũndũ aigue na ataũkĩrwo nĩ ũrĩa aigua

13.5.7 mbũkĩrĩra

andũ kwarahũkanĩra me na marũrũ

13.5.8 mbũkũ

nyamũ ĩigana nyaũ, ya gĩthaka na ya kũrĩithio ĩ matũ maraya Gĩthweri sungura

13.5.9 mbura

maĩ maraitĩka kũũma igũrũ matũ-inĩ

13.5.10 mbũri

nyamũ cia mĩhĩrĩga ya ng'ondũ na mĩgoma

13.5.11 mbũrũbũrũ

rũbũa

13.5.12 mbũrũga

ngũĩ

13.5.13 mbũrũgũnyĩ

memenyi

13.5.14 mburungo

kamondo ke na indo cia rũgendo

13.5.15 mbũrũrũ

mũrũro ũtarĩ na harĩa werekeire

13.5.16 mbũtha

kĩrĩa kĩgĩaga kĩndũ gĩabũthũka

13.5.17 mbũthũ

indo ibũthĩte

13.5.18 mbũthũ

kĩnya gĩa gwĩkĩrwo iria kana maĩ gĩkoragwo kĩrĩ gĩceke kĩraihũ

13.5.19 mbũtũ

njuĩrĩ irĩa imeraga imone-inĩ cia maitho

13.5.29 mbũtũ

arũi a ita macokanĩrĩire