U
18.1.1 Ũ
kiugo gia kũria kĩuria; kĩhũthagĩrwo gũkana ũndũ. mũhano; "nĩwe wa hingũra mũrango, ũ ti nie"
18.2.1 ũa
ruta thanda makoro-inĩ marĩa macihingĩire ta mboco kana noe
18.3.1 ũbai
maĩ ma hinya wa ũndũrũme
18.4.1 ũcamba
gũkorwo ũtegwĩtigĩra ũndũ ũrĩa wonekaga tarĩ wa kũguoyohia
18.4.2 ũciari
ũkonainie na gũciara; ũkonainie na ũigĩrĩrĩki wa mũciari
18.4.3 ũcio
acio mu kiugo gĩa kwerekereria harĩ mũndũ mũna mũhano: ũcio wa hĩtũka nĩwe ndakwĩrire warie nake no agũteithie
18.4.4 ũcori
ũcani wa maruru; wara
18.4.5 ũcũa
mĩmera gũkorwo ĩna wororo umanĩte na gũkorwo na maĩmaiganu; maciaro ma mĩmera ĩmwe ta mboco kana mbembe gũkorwo matarĩkĩtie gũkũra magakorwo marĩ o na wũigũ thĩiniĩ wamo
18.4.6 ũcuke
ũndũ ũtarĩ mwega ũroneka thĩiniĩ wa mũndũ kana ũndũ mũna
18.4.7 ũcumĩkĩri
ũhoro wa kwĩrirĩria indo ciene na kwenda gũciĩgwatĩra na njĩra ĩtarĩ ya kĩhoto
18.5.1 uga
mu kiugo gĩa kwĩra mũndũ agwete ũndũ
18.5.2 uge
meciria ma mũndũ makoniĩ ũndũ mũna; ũhoro mũgwete ũkoniĩ ũndũ mũna 18.5.3 ũgendi
ũhoro wa gũthiĩ ng'endo 18.5.4 ũgĩ
ũhoti wa kũhũthĩra ũmenyo na njĩra ĩna ũrikĩru mũnene
18.5.5 ũgita
twĩrĩrĩria mũndũ ũtarĩ na ũũru nawe ngũĩ
18.5.6 ũgo
ũgĩ wa gwĩka maũndũ kana ũndũ mũna ũrĩa mũndũ aciaragwo naguo
18.5.7 ũgongoni
ũruti wa magongona mũhano: ũgongoni wa mũciĩ nĩ wa mũthuri mwene mũciĩ ũcio
18.5.8 ũgũ
wathe ũtũmaga mwĩcirĩrie na mwĩkĩre wa maũndũ wa mũndũ woneke ũtarĩ wa kĩmerera mũhano: nĩ ũgũ mũthuri gũtũra ndundu-inĩ cia atumia
18.5.9 ũguo
kiugo gĩa gũtarĩria ũrĩa ũndũ wagĩrĩire gwĩkwo mũhano: mũndũ arĩmaga ũguo wona ndarĩma; ũrĩa ũndũ wekĩka mũhano: aringwo na rũhĩ ũguo; gũtarĩria kũrĩa mũndũ kana kĩndũ kĩerekera mũhano; athiĩ ũguo na rũgongo
18.5.10 ũgũũta
ũhoro wa gũkorwo mũndũ atekwenda gwĩka maũndũ maratũma anoge kana kũruta wĩra
18.6.1 uha
arĩria mũndũ maũndũ magũtũma akenio nĩwe mũgĩe na ndũgũ ya wendo
18.6.2 ũhĩga
gĩa na ũgĩ; menya ũrĩa ũkũhũthĩra wara gwĩka ũndũ mũna; indo ihũthagĩrwo gũtema, gũtinia, kũrenga kana gũthora gũkorwo inoretwo ũũ atĩ no irute wĩra ũcio na ũhũthũ
18.6.3 ũhinga
ũhoro wa mũndũ gwĩtua kĩrĩa atarĩ (ta gwĩtua nĩ ũĩ ũndũ mũna na ndũũĩ), gwĩtua nĩ arendera mũndũ maũndũ mega no aramwendera ũũru
18.6.4 ũhinya
ũhahami
18.6.5 ũhiũ
mahiũ
18.6.6 ũhoro
mohoro
ndeto ikoniĩ ũndũ mũna; thayũ; ũndũ mũna na maũndũ marĩa ma ũkoniĩ
18.6.7 ũhoti
hinya wa gwĩka ũndũ mũna
18.7.1 ũici
ũhoro wa kũiya
18.7.2 ũiguano
ũhoro wa gwĩtĩkanĩria maũndu-inĩ na gũkorwo na meciria mamwe
18.7.3 ũikia
ũhoro wa gũikia indo handũ na ũrĩa wĩkagwo na mũtaratara mũna mũhano: ũikia wa mĩtĩ hĩndĩya ithurano ũrũgamagĩrĩrwo nĩ kĩama gĩa ithurano
18.7.4 ũira
uge ũheanĩtwo nĩ mũndũ akiuga we nĩ eyoneire kana nĩ oĩ ũhoro mũna
18.7.5 ũiru
gũkorwo ũtegũkenera na ũkaigua ũũru nĩ ũndũ wa kuona mũndũ ũngĩ na kĩndũ kana ũndũ ũramũguna
18.8.1 ũka
kiugo gĩa kwĩra mũndũ agũkuhĩrĩrie mũhano: ũka tũthiĩ ũkarĩ mũtugo wa kũimana indo
18.8.2 ũkia
kuga kĩa ũndũrũme kwĩhanda
18.8.3 ũkirĩrĩria
ũhoro wa gũkorwo ũtarĩ na hĩkĩkĩ ya maũndũ marĩa matarĩ maragĩa, ũgaikaraga wetereire ihinda rĩamo rĩkinye ũtegũthethũka
18.8.4 ũkonyoku
uthaka; utheru ũkora ũtunyani wa indo ciene; wara
18.8.5 ũkoroku
kwenda kũrĩa ũtekũiganĩra ũkarĩa makĩria ma ũrĩa ũbatiĩ; ũhahami ũtekũiganĩra
18.8.6 ũkumio
ũhoro wa gũkumia
18.8.7 ũkũrũ
ũigana wa kĩndũ ũgeretwo na matukũ ma kuma rĩrĩa kĩagĩire
18.9.1 ũnjirũngi
ũrũĩri bũrũri
18.9.2 unjuga
kĩndũ gĩtheru gĩtweku kũgĩa gĩko
18.10.1 ũma
ũrĩa wĩ wa ma
18.10.2 ũma
thirwo nĩ maĩ; niara
18.10.3 uma
ehera thĩinĩ
18.10.4 umana
kĩndũ kĩnyitanu kũrekania gĩgatiga kũnyitana ringĩ
18.10.5 ũmaramari
kũingĩrĩra ciĩko njũru
18.10.6 ũmatho
kĩrĩa mũndũ acokanĩrĩirie arĩkia kũmaatha; umithio wa wĩra ũrĩa mũndũ arutĩte
18.10.7 umbĩka
humbĩra na tĩĩri kana kĩndũ kĩhaana ta tĩri ũndũ kĩngĩcoka kiumbũrio mũhano: umbĩka irigũ mũhu-inĩ
18.10.8 ũmbũka
rera ũthiĩre rĩera-inĩ
18.10.9 umbũra
hithũria maũndũ ũtarendwo wĩrane kũrĩ arĩa matarendwo mamamenye
18.10.10 ũmbũra
tũma kĩndũ kĩhurunjũke rĩera-inĩ mũhano: rũhuho nĩruombũra mbĩri
18.10.11 umbũria
humbũria kĩndũ gĩkumbĩkĩtwo, kana gĩgũthikĩtwo
18.10.12 ũmenyi
gũkorwo ũĩ ũhoro ũkoniĩ ũndũ mũna kana gwĩka ũndũ mũna
18.10.13 ũmenyo
ũhoro wa gũkorwo ũĩ wega ũhoro ũkoniĩ ũndũ mũna
18.10.14 umĩra
uma handũ ũtaronwo kana handũ thĩiniĩ ũthiĩ handũ ũronwo
18.10.15 ũmĩra
ritũhĩra; ũndũ kwaga gũthiĩ ũrĩa ũrendwo ona ũgeranĩtio naguo mũno
18.10.16 umĩrĩra
ũka harĩ mũndũ kuma handũ atekwĩrĩgĩrĩire akuone o rĩmwe
18.10.17 ũmĩrĩria
ĩkĩra mũndũ ũrĩtwo nĩ hinya ũndũ wa gũtũma ngoro yakeĩgĩe na hinya
18.10.18 ũmĩrĩru
hinya wa gwĩka ũndũ mũritũ gwĩkwo nĩ andũ angĩkana ũndũ ũraguoyohia
18.10.19 ũmithia
iga kĩndũ handũ he na ũrugarĩ nĩguo gĩthire maĩ kana ũigũ
18.10.20 umithio
maciaro ma ũndũ mũna
18.10.21 ũmocu
kwaga ũkinyanĩru; kũhatĩrĩrio nĩ ũndũ ta mũrimũ ũkinyanĩru ũkaga
18.10.22 ũmũndũ
gĩko kĩronania tha cia andũ kana ũtugi wa andũ
18.10.23 ũmũthĩ
mũthenya ũrĩa tũrĩ
18.10.24 ũmwe
urĩ wika hatarĩ na ũngĩ una gayũkania kĩndũ gĩtambũrũku kiume icunjĩ na njĩra ya gũkĩgucia mĩthia-inĩ kĩgayũkanĩre gatagatĩ
18.11.1 ũna
ũndũ ũkonainie na ũrĩa mũgwete no ndũrerwo nĩguo ũrĩkũ
18.11.2 unanga
una kĩndũ kiume tũcunjĩ tũingĩ
18.11.3 unanĩra
komanĩria kĩndũ na kĩo kĩene; o mũndũ kuuna kĩndũ nĩ ũndũ wa mũndũ ũngĩ ũra mwĩkĩra o guo ũndũ gĩko kĩna
18.11.4 ũnene
mũigana wa kĩndũ ũkĩgerwo na ũraihu kana wariĩ wa kĩo; gũkorwo gĩturwa-inĩ kĩa wathani
18.11.5 ũngana
gũcokanĩrĩra hamwe na muoroto ũmwe
18.11.6 ũngano
ũhoro wa gũcokanĩrĩra hamwe
18.11.7 ũngĩ
tiga ũrĩa umaho ho kana ũkũgwetetwo mũhano: wĩ na mũtĩ ũngĩ kana no ũyũ
18.11.8 ũngĩ-
kĩongagĩrĩrĩrwo harĩ ciugo cia guko kuuga mũndũ ũcio korwo eka ũndũ mũna, ũna no woneke
18.11.9 ungumania
ciĩko cia kũiya na wara indo irĩa wĩhokeirwo nĩ ũndũ wa andũ angĩ mũhano: ateti aingĩ maungumanagia ũtonga wa bũrũri megune naguo o ene
18.11.10 ungumania
ĩka gĩĩko kĩa ungumania
18.11.11 ungunya
agagia na njĩra kũiguithia ruo rũnene rũhana taarĩ gũtheca rũrathecatheca
18.11.12 ungunyĩka
ikara ta ũraungunywo
18.11.13 ũngũtũka
riũnga ta mũndũ ũtarĩ na thayũ meciria-inĩ
18.11.14 unĩka
kĩndũ kĩrũngarũ na kĩũmĩrĩru kũgayũkana maita maiganona
18.11.15 ũna
nĩ ũndũ wa gũkorwo he na hinya mũna ũcũngĩrĩirire ũndũ ũcio
18.11.16 ũnũha
thũkia: ĩka kĩndũ kana mũndũ ũndũ ũtangĩguna mũndũ ũngĩ kana o nawe mwene
18.11.17 ũnũra
ruta makoro ma kĩndũ ta irigũ
18.12.1 ũnyamũ
ciĩko njuru cia ũnũhi
18.13.1 ũraga
cũngĩrĩria kĩndũ gũkua:ruta muoyo; tũma kĩndũ gĩatũke
18.13.2 ũramati
kũrora na gũtungata indo cia mũndũ ũngĩ ũkĩgunĩkaga nacio
18.13.3 ũrambu
ũhinga ũrata thiritũ ya andũ ĩtarĩ na ũcuke kana ũhinga
18.13.4 ũrathi
ũhoro ũheanĩtwo atĩ nĩ ũgekĩka matukũ magoka na ti ũhoti wa andũ ũkaũrehe na ndũngĩũhingĩrĩria
18.13.5 ũrekeri
ũhoro wa kwaga gũtuanĩra, kũrĩhania na gũtiga kũrakaranĩra nĩ ũndũ wa ũrũ wĩkĩtwo; kũreka mũndũ athiĩ na thirĩ waku ataũrĩhĩte ũkahana ta wamũhee
18.13.6 ũremi
ũregenyũku
18.13.7 ũremu
gũkorwo ndũngĩhotekeka; ũremi mũkĩrũku
18.13.8 ũria
kiugo gĩa kuuga ũndũ ũrabatara macokio mũhano: ũria ũrĩa ũrenda kũmenya nĩ ũkwĩrwo
18.13.9 ũrĩa
kiugo gĩa kuonanĩrĩria mũndũ wĩ gatĩna gatarĩ karaihu mũno ũrĩa mu Kiugo gĩa kwarĩrĩria mũndũ ũrarĩho
18.13.10 ũrĩithi
ũtungati wa mahiũ; ũtungati ũngĩ ũhanaine na wa mahiũ
18.13.11 ũrĩkũ
kiugo gĩa kũria ũhoro ũrĩa mũheane nũ ũkoniĩ mũhano: nĩ mũrũthi ũrĩkũ ũrarũmire mũndũĩ
18.13.12 ũrĩmi
ũtungata wa mĩmera na mahiũ nĩguo ũgunĩke na umithio waguo
18.13.13 ũrimũ
gĩko gĩkĩtwo hatarĩ na ũgĩ; wagi wa ugi ũrĩra tonyerera wage kuoneka; thiĩ kũraya na kĩndũ ndũkonane nakĩo rĩngĩ
18.13.14 ũrĩrĩ
kĩndũ gĩthondeketwo gĩ gĩa gũkomerwo nĩ andũ rĩrĩa me toro
18.13.15 ũritũ
mũigana wa kĩndũ ũkĩgerwo na ũrĩa gĩathukio kĩraiguĩka; ũhoro wa ũrĩa ũndũ wĩ na hinya gwĩkĩka, kuoneka Kana kũhanĩka
18.13.16 ũrĩu
gĩkĩro kĩa ũhoti wa njohi kũrĩa mũndũ
18.13.17 ũrĩu
ũhoro wa gũkorwo mũndũ atoretio nĩ njohi akaremwo nĩ gũtua matua makinyanĩru kana agatũgũgio nĩyo
18.13.18 ũrĩu
rũnyaga ta rwa nduma kana ta rwa mwĩri wa ihuru
18.13.19 uruga
thiũrũrũkia indo nyitanu ũkĩhũthĩra kĩndũ gũthiũrũrũkia mũhano: uruga kagoto kau wega kinya kaiguane na mũthanga
18.13.20 ũrugarĩ
rĩera ihiũ rĩraikio kuma handũ hana
18.13.21 urugunya
rutania indo handũ ũgĩcigaga mwamũ hatarĩ na mũtaratara
18.13.22 urugunyĩka
haragana
18.13.23 ũrũme
kwaga guoya wa maũndũ maroneka marĩ ũgwati
18.13.24 ũrũmwe
gũkorwo na ngwatanĩro na ũnyitanĩri
18.13.25 ururia
thuthuria; rutania indo handũ ũgĩetha kĩndũ ho
18.13.26 ũrũria
kua kĩndũ kana mũndũ ũrũre nake
18.13.27 ũrũrũ
mũcamo ta wa maĩ ma nyongo kana macatha
18.13.28 ũruru
Ũhoro wa gũkorwo na ũthaka kana wagĩrĩru umanĩte na kũrura
18.13.29 ũruu
kĩrema gĩa kũrua; ũtana ũheani
18.14.1 ũtari
kũhe mũigana ũkĩhũthĩra ndari
18.14.2 ũtariĩ
mũtariĩ/ũtariĩ, kiugo gĩa kuga ũrĩa ũndũ, mũndũ kana kĩndũ kĩna kĩhana
18.14.3 ũtaro
ũhoro ũhetwo mũndũ ũrongoreirio kũmũhĩgia kana kũmũgarũra
18.14.4 ũteithio
ũndũ wĩkĩtwo nĩguo mwĩkĩrwo ahũthĩrwo nĩ mabatara
18.14.5 ũteti
mĩario ya gũtetera andũ arĩa mũtongoria atongoretie
18.14.6 ũtharia
gĩko gĩa gũkoma na mũka wene: tharania
18.14.7 ũthayo
ũgũta
18.14.8 ũtheri
gacũmbĩrĩ karĩa karigainie na Njathi ya
18.14.9 *ũtheri
ũhoro wa kwaga nduma ũrĩa ũrehagwo nĩ kĩndũ kĩramũrĩka; kwaga ũhinga; gwĩka ũndũ hatarĩ na hitho
18.14.9 **ũtheru
wagi wa gĩko
18.14.10 uthi
Gĩthweri uzi
18.14.11 ũthĩ
mũhianĩre wa kĩndũ gĩkĩonwo na maitho
18.14.12 ũthingu
ũtheru wa kwaga gwĩtukania na mehia, ũrũngĩrĩru wa mũirĩtu wa gũkorwo eigĩte atarĩ onana na mũndũrũme kinya akahika;, (mwanake nĩ gathirange)
18.14.13 ũthĩnjĩri
ũgongoni wa arĩa mamũrĩtwo marutage magongona ma gũthĩnja
18.14.14 ũthiũ
mwena wa mbere wa mũtwe kana kĩongo ũrĩa ũkoragwo na maitho, maniũrũ na kanua; mwena wa mbere wa kĩndũ
18.14.15 ũthũ
rũmena rũnene rũrehetwo nĩ itũmi cia kwaga kũiguanĩra ũndũ-inĩ mũna
18.14.16 ũthuri
rĩera riumagĩra njĩra ya kĩoro kĩnene
18.14.17 ũtugi
gũkenera andũ magũcereire na njĩra ya kũmahe irio na indo ingĩ ciaku
18.14.18 ũtukũ
mahinda marĩa nduma ĩingagĩra riũa rĩathũa na rĩtanaratha ũtune rũnyaga ta rwa thakame
18.14.19 ũtungata
ũhoro wa gũteithĩrĩria mũndũ mawĩra make wĩyendeire
18.14.20 ũtungati
ũtungata wa ũndũ na kũũrũmĩrĩria wone nĩwakinyanĩra
18.14.21 ũtungi
ũtabarĩri wa gũthugunda maũndũ matarĩ ho ta marĩ ho ta ma ng'ano kana nyĩmbo
18.15.1 ũũ
kiugo gĩa kuonereria ũndũ mũna ũrĩa ũtariĩ kana ũrĩa ũbatiĩ gũkorwo
18.15.2 ũũru
gũkorwo ũrĩ ũrĩa ũtabatiĩ gũkorwo; mũtino: ndirũ
18.16.1 ũyũ
mu kiugo gĩa kuonanĩrĩria ũrĩa ũrarĩrĩrio rĩrĩa e harĩa mwaria arĩ