James Peace

From Wikipedia

Kenneth James Peace aciarĩirwo kũrĩa Paisley kũrĩ mweri 28 wa Kenda mwaka wa 1963. We nĩ mwandĩki wa nyĩmbo cia Kĩskotish, mũhũri wa kĩnanda hĩndĩ ya ndaci na mũini wa nyĩmbo cia kũĩyonania.

James Peace mũciĩ Wiesbaden

Rũgano[edit | edit source]

James Peace aciarĩirwo kũrĩa Paisley, bũrũri wa Scotland, kũrĩ mweri 28 wa Kenda, 1963.[1][2] Nĩahũthĩrire kahinda kaingĩ ka ũnyinyi wake kũrĩa Helensburgh, mwena wa ithũĩro wa bũrũri wa Scotland kũria andũ mathiaga kũĩgangara hũgũrũrũ- inĩ ya iria. Bamĩrĩ yake nĩ ĩrĩ na aini aingĩ (ta John McGhie), na ningĩ nĩ marĩ na ũkuruhanio wa kĩbamĩrĩ na Felix Burns, mwandĩki wĩ gatũ wa nyĩmbo cia ndaci kahinda inĩ ka nuthu ya mbere ya Karine ya 20.[1][3] Nĩathiire gũthoma kũhũra piano arĩ na ũkũrũ wa mĩaka ĩnana na moonanio make ma mbere mũingĩ-inĩ warĩ ena ũkũrũ wa mĩaka ikũmi na inya akĩina na Scott Joplin. Thutha wa mĩaka ĩĩrĩ, nĩetĩkĩririo kũingĩra Cukuru wa Ũini na Ngerekano wa Royal bũrũri-inĩ wa Scotland (kahinda gaka cukuru ũyũ wĩtagwo: Royal Conservatoire of Scotland) e ta mũrutwo wa gĩkĩro kĩnini mũno gũĩtĩkĩrio kũingĩra cukuru ũcio.[1][2][3][4] Kũrĩ mwaka wa 1983, nĩarĩkirie thukuru mũnene wa Glasgow ena digirii ya B.A ya kũrutana kũhũra piano.[4][5] Mwaka ũrĩa warũmĩrĩire, nĩagĩire na diploma ya ũthaki wa nyĩmbo thutha wa gũthaka piano ya Mendelssohn  ya 1 na gĩkundi kia aini a RSAMD.[1][6] Thutha wa mathomo maya, nĩendirwo mũno e ta mũhũri wa kĩnanda na nĩaikarire itũũra rĩa Edinburgh mwaka-inĩ wa 1988 - 1991.[1][2]

James Peace nĩaikarire itũũra rĩa Bad Nauheim, bũrũri wa Nijĩrĩmani (Bundesrepublik Deutschland) kuuma mwaka wa 1991- 2009.[6][7][8] Kuuma mwaka wa 1998, nĩekire ũthuthuria wa nyĩmbo cia mũthemba wa tango, agĩthondeka CD "Tango escocés” (Tango ya Kĩscotish) ya nyĩmbo ciake cia piano iria ciatongoririo nĩ nyĩmbo cia tango,[8][9] na mwaka wa 2002 nĩarĩ kĩama-inĩ kĩa Cukuru wa Ũini wa Victoria.[3][8] Mwaka-inĩ ũyũ rĩ, nĩathiire iceera rĩake rĩa ũini e iika mwena wa rũgongo wa bũrũri wa Nijĩrĩmani kũrĩ mweri wa Kenda/ Wa ikũmi na mwena wa Irathĩro kũrĩ mweri wa Ikũmi na ĩmwe rĩrĩ agĩĩka moonanio make ma mbere ma " Tango XVII” kũrĩa Hong Kong.[8][9][10][11][12]

James Peace - Idylls Op.4b

Mĩaka ĩrĩa yacokereirie, eekire moonanio make kũria Rũraya. Nĩakoretwo na moonania ma ũini wake mwene wa tango mĩciĩ mĩnene ta ĩno: Amsterdam, Athens,[13] Berlin,[14] Brussels, Helsinki,[15] Lisbon,[16] London, Madrid,[17] Oslo,[18] Reykjavík[19] na Vienna.[20]

Kũrĩ mwaka wa 2008, nĩarĩ kĩama-inĩ kĩa Cukuru wa Ũini wa London nĩũndũ wa gũtambũra marĩa eekĩte kũrĩ ũini wa nyĩmbo cia tango.[21]

Thutha wa kahinda kanini kũrĩa Edinburgh, nĩacokire Nijĩrĩmani kũrĩ mweri wa Keeri 2010 na agĩikara Wiesbaden.[1][3] Ũndũ ũyũ nĩwatũmire gũkorwo na wendi wa ũandĩki  wĩna ũũgĩ na agĩthondeka thenema nguhĩ cia nyĩmbo ciake mwene.Thenema ya ciugo ya “James Peace in Wiesbaden” nĩ ĩmwe ya wĩra wa mũthemba ũyũ ũrĩa arutire.[21][22]

Gũtugwo na Iheo[edit | edit source]

●     Kĩheo kĩa mbere, Kĩhĩtahĩtano kĩa Agnes Millar. Glasgow, 1983[4]

●     Kĩheo kĩa mbere, Kĩhĩtahĩtano kĩa Dunbartonshire EIS. Glasgow, 1984[4]

●     Kĩheo kĩa Ũandĩki ũhoro wa Sibelius. Glasgow, 1985[4]

Tango Milonga op. 26 no. 3 by James Peace

●     Diploma ya ũtũũgeru, Kĩhĩtahĩtano kĩa Kĩĩmabũrũri kĩa Ũandĩki wa TIM. Rome, 2000[1][2][5]

●     Diploma ya ũtũũgeru ya IBLA Foundation. New York, 2002[1][2][5]

●     Medal ya Kĩririkano ya Kĩama gĩa Kĩĩmabũrũri gĩa Piano Duo. Tokyo, 2002[1][2][5][21][22][23]

Tango XVIII by James Peace (James Peace, piano)

●     Medal ya thahabu ya Cukuru wa Kĩĩmabũrũri wa “Lutèce”. Paris, 2008[1][2]


Nyĩmbo/Ũandĩki mũnene[edit | edit source]

●     Ndurumo[24] (The Waterfall)

●     Idylls

●     Rwĩmbo rwa Wendo rwa Kĩroko (Aubade)

●     Maithori hatari Kuumũkania (Lento Lacrimoso)

●     Mahuti Mariganĩre (Forgotten Leaves)

●     Sonata cia oboe na piano

●     Ballade

●     Paredi ya thigũkũ ya 1 (Ceremonial March No.1)

●     Paredi ya thigũkũ ya 2 (Ceremonial March No.2)

●     Thahabu ya Kĩmera[25] (Autumn Gold)

●     Rwĩmbo rwa Tene na tene[1] (Eternal Song)

●     “Nĩundũ wa Georgia” (rũthiomi rwa Kigeorgia: საქართველოსთვის)

(ciugo cia rwĩmbo: Tamari Chikvaidze, Zurabi Chikvaidze na James Peace)

●     Tangos 24 cia piano ya kũhurwo mũndũ arĩ iki[1][9][21][22]

Ũkuruhanio wa na nja[edit | edit source]

Souvenir de Buenos Aires Op. 29 No. 3 (ya piano ika), youtube

Autumn Gold Op. 25, youtube

Lento Lacrimoso Op. 10, youtube

Marejeo[edit | edit source]

  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 Birgitta Lamperth. “Hatari na mĩgambo ya ‘gũtemana’”. Wiesbadener Tagblatt (Ngathĩti ya Nijĩrĩmani). Beburwarĩ 10, 2011
  2. ↑ 2.0 2.1 2.2 2.3 2.4 2.5 2.6 Julia Anderton. “Tango ta rũgano rwĩ cama na ruo”. Wiesbadener Kurier (Ngathĩti ya Nijĩrĩmani). Maci 24, 2012
  3. ↑ 3.0 3.1 3.2 3.3 Sabine Klein. “Nyĩmbo ciakwa no ta niĩ mwene” — Cia wendo mũingĩ”. Frankfurter Rundschau (Ngathĩti ya Nijĩrĩmani). 1992, №254, p.2
  4. ↑ 4.0 4.1 4.2 4.3 4.4 G. Müller. “Muoyo wa piano ũthakaga nyĩmbo cia tango”. Kulturspiegel Wetterau (Ngathĩti ya Nijĩrĩmani). Maci 17, 2001, p.5
  5. ↑ 5.0 5.1 5.2 5.3 Deutsche Nationalbibliothek. “James Peace“
  6. ↑ 6.0 6.1 “James Peace“. FRIZZ (Ngathĩti ya Nijĩrĩmani). Janwarĩ, 2001, p.5
  7. ↑ Manfred Merz. “Thĩ ĩrĩ na wendo ũroonanio kwa njĩra na ũũgĩ mũingĩ”. Wetterauer Zeitung (Ngathĩti ya Nijĩrĩmani). Nobemba 12, 1992, p.19
  8. ↑ 8.0 8.1 8.2 8.3 “James Peace“. The Tango Times (Ngathĩti ya New York). 2002/2003 (39), pp.1-5
  9. ↑ 9.0 9.1 9.2 National Library of Scotland. “Tango escocés”
  10. ↑ “James Peace“. La Cadena (Ngathĩti ya Netharandi). Thebutemba 2002, p.26
  11. ↑ Tangotang (Ngathĩti ya Hong Kong). Oktoba 8, 2002
  12. ↑ “James Peace“. South China Morning Post  (Ngathĩti ya Hong Kong). Oktoba 9, 2002
  13. ↑ Brochua ya tabarĩra ya Mathako (Athens). {Για σένα Αγγελική}. Ĩbrũ 27, 2016
  14. ↑ Tango Danza (Ngathĩti ya Nijĩrĩmani). 1/2002 - 9
  15. ↑ Kĩmenyithia kĩa Mathako (iceera rĩa mathako bũruri-inĩ wa Finland), Mĩĩ 2014
  16. ↑ Kĩmenyithia kĩa Mathako (iceera rĩa mathako bũruri-inĩ wa Portugal), Mĩĩ 2016
  17. ↑ Kĩmenyithia kĩa Mathako (iceera rĩa mathako bũruni-inĩ wa Spain), «¡Feliz Cincuenta Cumpleaños!», Thebutemba 2013
  18. ↑ Listen.no. James Peace (Flygel). Munch Museum, Oslo. Oktoba 2004
  19. ↑ Ríkarður Ö. Pálsson. “Skozir Hörputangoár”. Morgunblaðið (Ngathĩti ya Nijĩrĩmani), Oktoba 14, 2004
  20. ↑ Brochua ya tabarĩra ya Mathako (Vienna). Janwarĩ 23, 2005
  21. ↑ 21.0 21.1 21.2 21.3 National Library of Scotland. “K. James Peace in Wiesbaden”
  22. ↑ 22.0 22.1 22.2 Deutsche Nationalbibliothek. “K. James Peace in Wiesbaden”
  23. ↑ Kĩũngano gĩa Kĩĩmabũruri gĩa Piano Duo. Marĩtwa ma ahotani a iheo, Nobemba 2002
  24. ↑ Hessisches Staatstheater, Wiesbaden. Broshua ya tabarĩra ya Mathako. Thebutemba 12/19, 2021
  25. ↑ Schwäbische Post. “Mũgambo wa ngita kũigwĩka makĩria hĩndi ya ũini”. Juni, 1994
Retrieved from "https://ki.wikipedia.org/w/index.php?title=James_Peace&oldid=21292"