Kĩrĩnyaga

From Wikipedia
Jump to: navigation, search

Kĩrĩma Gĩa Kĩrĩnyaga[edit | edit source]

Kĩrĩnyaga

Mũri wa Kiugo Kĩrĩnyaga uumĩte harĩ kiugo Nyaga kĩrĩa ũingi wakĩo nĩ Manyaganyaga kana Nyaganyaga. Kĩrĩma gĩa Kĩrĩnyaga kĩonekaga kĩrĩ na nyaga (Nyaganyaga)(gĩthwaĩri: "madoadoa") nĩ toondũ wa ira (gĩthwaĩri: barafu) rĩrĩa rĩkoragwo rĩnyagĩĩte tũthũrũmũndũ-inĩ (peak) twa kĩrĩma kĩu. Kĩrĩnyaga nĩ kĩrĩma kĩrĩa kĩna nyaga (spotted mountain). Ira thĩinĩ wa Bũrũri wa Kĩrĩnyaga ũrĩa ũikaragwo ni Agĩkũyũ rĩonekaga o kĩrĩma-inĩ gĩa Kĩrĩnyaga. Nĩ ũndũ Agĩkũyũ metĩkĩtie Ngai aikaraga Kĩrĩma-inĩ gĩa Kĩrĩnyaga, hĩndĩ ĩrĩa matekwenda kũmũtengũra, mamwĩtaga Mwene-Nyaga

Kauntĩ Ya Kĩrinyaga[edit | edit source]

Kauntĩ ya Kĩrĩnyaga nĩ ĩmwe ya kauntĩ mĩrongo ĩna na mũgwanja cia bũrũri wa Kenya. Kauntĩ ya Kĩrĩnyaga oro hau nĩ ĩmwe ya kauntĩ cia bũrũri wa Mũgĩkũyũ na ĩikaragwo mũnõ mũno nĩ Agĩkũyũ. Kĩrĩnyaga ĩriganĩtie na Nyĩrĩ, Embu na Mũrang'a. Nginya mwaka-inĩ wa 2017 kauntĩ ya Kĩrĩnyaga ĩtongooretio ni mangavana erĩ. Ngavana wa mbere wa Kĩrĩnyaga arĩ Joseph Ndathi. Ndathi - ũrĩa oimĩte Gĩcũgũ - arĩ ngavana kuma 2013 nginya 2017. Ngavana wa kerĩ wa Kĩrĩnyaga nĩ Ann Waigũrũ. Waigũrũ acagũrirwo kĩthurano-inĩ kĩa mweri wa kanana mwaka wa ngiri igĩrĩ na ikũmi na mũgwanja. Ann Waigũrũ nĩ ũmwe wa mangavana o erĩ atumia gũcagũrwo Kenya.